Agjencia e Statistikave të Kosovës (ASK) publikoi Statistikat e Arsimit të Lartë sipas fushave të studimit për vitin akademik 2024/2025. Fusha e studimit “Biznes, Administratë dhe Ligj” vazhdon të mbetet si fushë më e preferuar e studentëve në nivelin Bachelor me gjithsej 4 909, ose 29,7% e numrit të përgjithshëm të studentëve të regjistruar, ndërsa numër më i vogël i studentëve kanë zgjedhur të studiojnë në fushën “Bujqësi, pylltari, peshkim dhe veterinari” me gjithsej 378 të regjistruar ose 2,3%.
Numër më i madh i femrave në fushën “Teknologjia Informative dhe Komunikimi (TIK)”, krahasuar me vitin 2023/2024.
“Në fushën “Teknologjia Informative dhe Komunikimi (TIK)” për vitin akademik 2024/2025 në nivelin Bachelor, meshkujt përbëjnë 62,5% të numrit total të studentëve të kësaj fushe, ndërsa femrat janë me 37,5%. Nëse shohim numrin e femrave nga viti paraprak 2023/2024, ka një rritje të numrit të tyre të regjistruara në këtë fushë”,. njofton ASK.
Interesim më i madh i studentëve në nivelin Master në fushën “Biznes, Administratë dhe Ligj” në Universitete Publike dhe Kolegje Private
ASK bëm medije se edhe tek niveli Master, fushat: Biznes, Administratë dhe Ligj vazhdojnë të mbeten fushat më të preferuara, ku janë regjistruar 1 562 studentë ose shprehur në përqindje 36,3% e numrit të përgjithshëm.
“Ndërsa numër më i vogël i studentëve të regjistruar ka zgjedhur të studiojnë në fushat: “Shkenca Natyrore, Matematikë dhe Statistikë”, me gjithsej 76 studentë ose 1,8% e numrit të përgjithshëm”, njofton ASK.
Diferencë më e madhe ndërmjet femrave dhe meshkujve te fusha e Arsimit
“Në numrin e përgjithshëm të studentëve të cilët ndjekin arsimin e lartë në nivelin Master, dominon numri i atyre të cilët ndjekin studimet në fushat: Biznes, Administratë dhe Ligj me gjithsej 3 490 studentë ose 35,4% nga numri i përgjithshëm. Diferencë më e madhe gjinore vërehet në fushën e Arsimit, ku nga 1 061 studentë, 85,8% janë femra. Meshkujt përbëjnë përqindjen më të madhe të numrit të studentëve te fusha Teknologjia Informative dhe Komunikimi (TIK), ku nga 585 studentë, 55,4% janë meshkuj”, njofton ASK.
