Presidentja e Komisionit Evropian, Ursula von der Leyen, është pritur sot në Aeroportin Ndërkombëtar të Prishtinës “Adem Jashari”, nga ministrja në detyrë e Punëve të Jashtme, Donika Gërvalla.
Gërvalla e cila ka publikuar fotografi të pritjes që i ka bërë presidentes së KE-së, ka thënë se vizita e Von der Leyen në Prishtinë vjen në një moment kur Kosova po konsolidon reformat, forcon sundimin e ligjit dhe thellon përafrimin me standardet e BE-së.
“Si partnere e besueshme e Bashkimit Evropian, po punojmë ngushtë me Komisionin Evropian për zbatimin e Planit të Rritjes për Ballkanin Perëndimor, programit IPA III dhe hapat e qasjes graduale në tregun e përbashkët, me rezultate të matshme për qytetarët tanë, duke afruar edhe më tej integrimin tonë evropian”, ka shkruar Gërvalla.
