Presidenti ukrainas Volodymyr Zelensky shpreson të bindë Trumpin që të rrisë më tej presionin duke i dhënë Ukrainës raketa amerikane me rreze të gjatë veprimi për sulme më të thella në territorin rus gjatë vizitës së tij në Uashington të premten.
“Nëse nuk ka rrugë drejt paqes në një afat të shkurtër, atëherë Shtetet e Bashkuara të Amerikës dhe aleatët e saj do të ndërmarrin hapat e nevojshëm për t’i imponuar një çmim Rusisë për agresionin e saj të vazhdueshëm”, u tha Hegseth kolegëve të tij evropianë në një takim që synonte ofrimin e ndihmës shtesë ushtarake për Kievin, duke shtuar:
“Nëse na duhet të ndërmarrim atë hap, Departamenti i Luftës i SHBA-së është i gatshëm të bëjë pjesën e tij në mënyra që vetëm Shtetet e Bashkuara të Amerikës munden.”
Ndërsa Trump sinjalizon se do të përqendrohet përsëri te lufta në Ukrainë, ai tha se po shqyrton dërgimin e raketave Tomahawk me rreze të gjatë veprimi në Kiev, si një formë presioni ndaj presidentit rus Vladimir Putin.
Ukraina ka dëmtuar tashmë objektet ruse të naftës duke përdorur dronët e saj me rreze të gjatë veprimi, por raketat mund të shkaktojnë dëme edhe më të mëdha.
