Një nga mediat qe konsiderohet e lirë në Serbi Nova, në një publikim të saj thotë se Gianni Infantino, presidenti i FIFA-s, i trazoi seriozisht shpirtrat në Serbi me deklaratën e tij të “turpshme” për ekipin e futbollit të Kosovës.
Infantino foli për Xherdan Shaqirin dhe Granit Xhakën gjatë një paraqitjeje si i ftuar në podkastin e Shoqatës së Futbollit të Republikës së Kosovës.
“Për shumë futbollistë nga Kosova që kanë lindur dhe janë rritur jashtë vendit, ka një numër të madh ndikimesh. Siç e dimë, një numër i madh i tyre, ndërsa kombëtarja e Kosovës nuk njihej ndërkombëtarisht, filluan të luanin për ekipin kombëtar të Zvicrës”, tha Infantino.
Shaqiri dhe Xhaka u përpoqën të ndryshonin shtetësinë dhe të luanin për këtë kombëtare, por nuk u lejua sepse luajtën për Zvicrën në Kampionatin Evropian.
