Kandidati i VLEN-it për kryetar të Tetovës, Bilall Kasami, ka shpallur fitoren duke deklaruar se është në epërsi ndaj kundërkandidatit të tij nga koalicioni i BDI-së (AKI) me më shumë se 4,000 vota.
Në fjalimin e tij pas shpalljes së rezultateve, Kasami pyeti: “A ka Ali, a ka BDI këtu?”
Ai vlerësoi fitoren si një triumf të gjerë për zonën e Pollogut dhe për gjithë Maqedoninë: “Kjo është nata më e bukur sepse fituam gjithë Pollogun, e fituam gjithë Maqedoninë”
Kasami gjithashtu pyeti nëse oponentët politikë do të kërkojnë zgjedhje të parakohshme nacionale pas rezultateve në zgjedhjet lokale.
Ndërkohë, nënkryetari i BDI-së, Arbër Ademi tha se koalicioni AKI ka fituar në nivel nacional dhe sipas tij dallimi është mbi 20 mijë vota.
“Në nivel nacional AKI-ja është fituese absolute. Dallimi është mbi 20 mijë vota. Pas përpunimit të rezultateve ky dallim do të thellohet”, tha Ademi.
