Sipas Institutit Hidrometeorologjik të Kosovës (IHK), dita e sotme pritet të karakterizohet me mot të qëndrueshëm me temperatura normale vjeshtore.
Ndryshe nga dita e shtunë që kishte reshje shiu, sot moti pritet të jetë dukshëm më i ngrohtë.
Sipas IHMK-së, parashikohet mot me diell dhe vranësira të shpërndara. Temperaturat minimale do të lëvizin nga 5°C deri në 7°C, ndërsa maksimalet do të ngjiten deri në 15°C. Era do të jetë e lehtë deri mesatare, me drejtim nga veriperëndimi.
Sipas IHK-së, pas një fillimi të lagësht të fundjavës, e diela do të jetë ditë e përshtatshme për aktivitete në natyrë, ndërsa javën e ardhshme pritet stabilizim i mëtejshëm i kushteve meteorologjike.
