Një aeroplan CARGO nga Dubai rrëshqiti nga pista në det gjatë uljes në Aeroportin Ndërkombëtar të Hong Kongut herët këtë mëngjes, tha aeroporti, ndërsa mediat lokale raportuan se dy persona u vranë.
Fotot e bëra pas aksidentit, i cili ndodhi në orën 3:50 të mëngjesit sipas kohës lokale, tregojnë një aeroplan mallrash Boeing 747 me shenjat AirACT gjysmë të zhytur në det pranë aeroportit.
Katër anëtarë të ekuipazhit të aeroplanit u shpëtuan, tha aeroporti në Hong Kong. Dy anëtarë të shërbimit të sigurisë së aeroportit, të moshës 30 dhe 41 vjeç, vdiqën pasi një aeroplan mallrash shtyu makinën e tyre të patrullës në det.
Një aeroplan në pronësi të një kompanie mallrash
Pista u mbyll pas aksidentit, shtoi njoftimi për shtyp.
Emiratet njoftuan se fluturimi EK9788 pësoi një aksident gjatë uljes në Hong Kong dhe se ishte një Boeing 747 i kompanisë turke ACT Airlines. “Anëtarët e ekuipazhit u shpëtuan dhe nuk kishte ngarkesë në aeroplan”, thuhet në një deklaratë nga Emiratet.
Zyra e Aviacionit Civil të Hong Kongut tha se e kishte raportuar aksidentin në Degën e Hetimit të Aksidenteve Ajrore dhe do të ndihmonte në hetim.
