Krimineli i luftës dhe ish-gjenerali i Ushtrisë Jugosllave, Nebojša Pavković, vdiq sot në moshën 79 vjeç.Sipas mediave serbe, Pavković vdiq në Akademinë Ushtarake Mjekësore në Beograd.
Pavković u lirua para kohe më pak se një muaj më parë për shkak të një gjendjeje shumë të keqe shëndetësore, dhe Qeveria e Serbisë dërgoi avionin e saj për ta marrë Pavković-in në Finlandë, ku ai po vuante dënimin e tij.
Në vitin 2014, Pavković u dënua me 22 vjet burg për rolin e tij në krimet e luftës në Kosovë. Ai u dënua për krime kundër njerëzimit (për katër akuza, për dëbim, zhvendosje të detyruar, vrasje dhe persekutim) dhe shkelje të ligjeve dhe zakoneve të luftës.
Aktakuza, mbi të cilën ai u dënua, u ngrit në vitin 2003 dhe ai u dorëzua në Gjykatën Ndërkombëtare Penale në Hagë dy vjet më vonë.
