Policia e Kosovës ka njoftuar se pesë raste të dhunës në familje kanë ndodhura gjatë 24 orëve të fundit. Sipas Policisë rastet janë raportuar në Fushë Kosovë, Podujevë dhe Prishtinë.
Në Fushë Kosovë, një grua është arrestuar pasi dyshohet se ka sulmuar nënën e saj. Viktima ka marrë trajtim mjekësor, ndërsa e dyshuara është dërguar në mbajtje.
Në Podujevë, një burrë është arrestuar për dhunë psikike ndaj bashkëshortes, por është liruar në procedurë të rregullt.
Rast i ngjashëm është regjistruar edhe në Lipjan, ku një shtetas palestinez është arrestuar për dhunë fizike ndaj bashkëshortes së tij; ai po ashtu është liruar me procedurë të rregullt.
Në Prishtinë, janë regjistruar dy raste të tjera. Në njërin, një burrë që kishte ushtruar dhunë ndaj bashkëshortes u arrestua dhe iu konfiskua një armë me pesë fishekë; ndërsa në rastin tjetër, një grua pësoi lëndime trupore pas dhunës nga bashkëshorti i saj, i cili u ndalua me vendim të prokurorit.
Policia njofton se ndaj të gjithë të dyshuarve janë ndërmarrë veprimet ligjore përkatëse dhe se rastet po hetohen nga organet kompetente.
