Komuna e Gjilanit ka njoftuar se punimet për ndërtimin e qendrës për qëndrim ditor për personat e moshuar, bujtinës për student dhe kuzhinës popullore në këtë qytet, po vazhdojnë.
Sipas njoftimit, kryetari i Komunës së Gjilanit, Alban Hyseni, ka dalë për të parë nga afër ecurinë e punëve.
“Përshëndetje nga objekti i ri për Qëndrim ditor për të moshuar!”, ka shkruar ai.
“Punimet e kësaj qendre kanë nisur me 4 tetor të vitit të kaluar dhe vlera e investimeve është 2.5 milionë euro”, thuhet në njoftim.
Këtu do të ofrohen shërbime për 100 të moshuar, 200 shujta ditore për familjet në nevojë dhe strehim për 30 studentë që do të kenë mundësinë të banojnë.
