Lidhja Demokratike e Kosovës (LDK) e dënon siç e quan ajo sulmin e papranueshëm të ndodhur sot gjatë një interviste publike, ku deputeti i LDK-së, Armend Zemaj, e sipas kësaj partie jo vetëm që është ofenduar dhe provokuar verbalisht, por edhe është përballur me sulm fizik ndaj tij.
“Ky akt është i papranueshëm dhe përbën cenim të drejtpërdrejtë ndaj sigurisë personale të një përfaqësuesi të zgjedhur të popullit e të LDK-së dhe ndaj vetë integritetit të institucioneve demokratike të vendit”, thuhet në reagimin e LDK-së.
Deputeti i Lidhjes Demokratike të Kosovës, Armend Zemaj, përmes një postimi në ‘Facebook”, shprehu keqardhje dhe kërkoi falje publike. Sipas tij, në këto raste do duhej të ruaje qetësinë dhe dinjitetin në çdo rrethanë dhe pavarësisht provokimit, i cili thotë se nuk i ka ndodhur kurrë gjatë karrierës sw tij dhe se dhuna, në çfarëdo forme, nuk është përgjigje e drejtë
Rasti është konfirmuar edhe nga Policia e Kosovës. Zëdhënësi i Policisë së Kosovës, Enis Pllana, ka deklaruar për RTK-në se palët e përfshira janë intervistuar në polici
