Ish-nënpresidentja e SHBA-së, Kamala Harris, e cila humbi zgjedhjet presidenciale ndaj Donald Trump, i tha BBC-së se mund të kandidojë përsëri për Shtëpinë e Bardhë në vitin 2028.
Kamala Harris tha në një intervistë me BBC-në se është e mundur që një ditë të jetë presidente dhe se është e bindur se në të ardhmen do të ketë një grua në Shtëpinë e Bardhë.
Ajo i hodhi poshtë sondazhet që e vendosnin atë si një autsajder në garën demokrate për kandidatin e ardhshëm presidencial.
Ajo e quajti kundërshtarin e saj në zgjedhjet e fundit, dhe presidentin aktual të SHBA-së, Donald Trump, një “tiran” dhe theksoi se paralajmërimet që dha gjatë fushatës kishin dalë të vërteta.
Duke folur për mundësinë që një grua të bëhet presidente e Shteteve të Bashkuara, Harris tha se stërmbesat e saj, “gjatë jetës së tyre, me siguri” mund të shohin një grua presidente. Kur u pyet nëse do të ishte ajo, ajo u përgjigj – “e mundur”, duke konfirmuar se po shqyrton një kandidaturë tjetër për postin më të lartë.
Ajo shtoi se ende nuk ka marrë një vendim për këtë, por theksoi se ende e sheh veten si dikë që ka të ardhme në politikë.
“Nuk kam mbaruar ende,” tha ish-nënkryetarja. “E kam kaluar gjithë karrierën time në shërbim dhe kjo është në thelbin tim,” vuri në dukje ajo.
