Ministria e Kulturës, Rinisë dhe Sportit ka bërë të ditur se ka përfunduar restaurimin e shtëpisë tradicionale të familjes Safqi në Prishtinë.
Në njoftimin e MKRS-së thuhet se ky restaurim është pjesë e angazhimit të vazhdueshëm për mbrojtjen dhe promovimin e trashëgimisë kulturore në mbarë vendin.
“Ruajtja e aseteve të tilla është pjesë e punës së vazhdueshme për mbrojtjen dhe promovimin e trashëgimisë kulturore në mbarë vendin, për të forcuar lidhjen mes së kaluarës, të tashmes dhe së ardhmes sonë. Trashëgiminë tonë po e ruajmë për brezat e ardhshëm”, thuhet në njoftim.
