Njësiti policor i Gjakovës ka arrestuar një të mitur pas njoftimit të bërë nga nëna e tij, e cila kishte gjetur dy qese me substanca narkotike në kuzhinën e shtëpisë së tyre.
Ngjarja ka ndodhur më 25 tetor 2025 rreth orës 16:00.
Sipas njoftimit të bërë nga ankuesja, substancat dyshohet t’i përkasin djalit të saj të mitur, i cili është përdorues i drogës. Policia ka dalë menjëherë në vendin e ngjarjes dhe ka konfiskuar 9.14 gram substanca të dyshuara narkotike të llojit kokainë.
I mituri është arrestuar nga policia dhe pas intervistimit është liruar në procedurë të rregullt, në konsultim me prokurorin.
