Shërbimi Meteorologjik Ushtarak njoftoi se sot vendi ynë do të ndikohet nga kushte atmosferike të paqëndrueshme.
Moti parashikohet me vranësira si dhe alternime të herëpashershme kthjellimesh kryesisht përgjatë Ultësirës Perëndimore në orët e mesditës. Që në orët e para të 24-orëshit parashikohet prezencë e reshjeve të herëpashershme të shiut me intensitet mesatar në formën e shtrëngata afatshkurtra shoqëruar me shkarkesa elektrike (në qarqet Shkodër, Lezhë, Dibër, Tiranë, Durrës, Elbasan, Gjirokastër) ndërsa pjesa tjetër e territori me intensitet të ulët. Gjatë ditës parashikohen reshje të herëpashershme shiu me intensitet mesatar në veri e pjesërisht në qendër, rreth orëve të mesditës ndërprerje e përkohshme e reshjeve.
Në orët e mbrëmjes parashikohet riaktivizim i reshjeve të shiut të herëpashershme me intensitet mesatar e hera-herës lokalisht të lartë shoqëruar me shkarkesa elektrike, kryesisht në zonën veriperëndimore e pjesërisht në qendër.
Era do të fryjë me drejtim nga kuadrati i jugut me shpejtësi mesatare 8 m/s, ndërsa përgjatë vijës bregdetare dhe zonat luginore era me shpejtësi deri në 18 m/s shoqëruar me dallgëzim në dete të forcës 3-4 ballë.
Temperaturat parashikohen:
| QYTETET | ||
| Shkodër | 10/19 | Re shi |
| Kukës | 15/22 | Re shi |
| Lezhë | 14/21 | Re shi |
| Dibër | 10/20 | Re shi |
| Durrës | 14/25 | Re shi |
| Tiranë | 15/24 | Re shi |
| Elbasan | 15/23 | Re shi |
| Berat | 14/25 | Re shi |
| Vlorë | 16/24 | Re shi |
| Korçë | 9/19 | Re shi |
| Gjirokastër | 14/25 | Re shi |
| Sarandë | 16/26 | Re shi |
