Kryetari i Aleancës për Ardhmërinë e Kosovës (AAK), Ramush Haradinaj, ka uruar Austrinë në Ditën e saj Kombëtare, duke theksuar lidhjet e forta historike dhe bashkëpunimin e ngushtë mes dy vendeve.
Përmes një postimi në Facebook, Haradinaj shkruan se Austria ka qenë dhe mbetet mike e fuqishme e Kosovës dhe se vendi ynë është i përkushtuar për të ruajtur dhe avancuar marrëdhëniet bilaterale.
“Austria, historikisht ka qenë mike e fuqishme e Kosovës dhe ne jemi të përkushtuar që ta ruajmë dhe avancojmë çdo herë e më shumë këtë traditë të shkëlqyeshme të marrëdhënieve bilaterale”, shkruan Haradinaj.
Ai nënvizoi gjithashtu se gjatë shënimit të Ditës Kombëtare të Austrisë, ka uruar të Ngarkuarën me Punë në ambasadën austriake në Prishtinë, Clarissa Castek, për arritjet e shtetit të tyre dhe ka shprehur mirënjohjen e thellë për mbështetjen e dhënë Kosovës në rrugën shtetndërtuese dhe integruese.
“Gjithë popullit austriak, urime Ditën Kombëtare!” përfundon urimin Haradinaj.
