Një mbrëmje e veçantë letrare do të mbahet sonte, më 28 tetor 2025, në Bibliotekën “Ernest Koliqi” në Prishtinë, ku do të promovohet libri “Arbëreshët – Shqiptarët e Italisë” i autorit dhe studiuesit të njohur Fatmir Toçi. Kjo ngjarje pritet të sjellë një diskutim të pasur mbi historinë, kulturën dhe identitetin e arbëreshëve në Itali.
Botimi, që vjen nga Shtëpia Botuese “Toena”, është një vepër e rëndësishme studimore që ndriçon historinë, kulturën, ritet dhe trashëgiminë shpirtërore të arbëreshëve të Italisë – pasardhësve të shqiptarëve që ruajtën gjuhën dhe identitetin për më shumë se pesë shekuj larg atdheut.
Në promovim do të marrin pjesë dhe do të diskutojnë: Prof. Xhavit Beqiri, Prof. Bajram Kosumi, akademik Ali Aliu, autori i librit, Fatmir Toçi.
Promovimi fillon në orën 19:00 dhe është i hapur për publikun.
