Kryeministri në detyrë i Kosovës, Albin Kurti, ka reaguar pas njohjes së pavarësisë së Kosovës nga Siria, që vjen pas njohjeve nga Kenia dhe Sudani gjatë këtij viti.
“Tre njohje dhe tre partneritete të reja më shumë për vendin tonë. Për këtë lajm të mirë për shtetin dhe të gjithë qytetarët tanë, i jemi mirënjohës përpjekjeve të suksesshme të Presidentes sonë Vjosa Osmani dhe mbështetjes së Mbretërisë së Arabisë Saudite si shtet mik e partner i Republikës sonë” ka thënë Kurti në një postim në Facebook.
Ai ka shtuar se nga sot “Qeveria e Kosovës do të angazhohet që lidhjet mes dy vendeve të fuqizohen, duke ngritur marrëdhënie bilaterale me interesa të përbashkëta dhe partneritete afatgjata”.
