Senatorja demokrate amerikane Jeanne Shaheen reagoi ndaj vendimit të administratës së Presidentit të SHBA-së Donald Trump për të hequr sanksionet kundër Milorad Dodik, bashkëpunëtorëve dhe anëtarëve të familjes së tij, si dhe kompanive të lidhura me familjen Dodik.
Shaheen, e cila është nënkryetare e Komitetit të Marrëdhënieve me Jashtë të Senatit të SHBA-së, e quajti këtë veprim të pamatur.
“Vendimi i administratës Trump për të hequr sanksionet ndaj Milorad Dodik është i pamatur dhe i parakohshëm. Dodik minoi Marrëveshjen e Paqes së Dejtonit, u afrua me Putinin dhe përfitoi nga korrupsioni, të cilat nuk janë aspak bazë për lehtësim. Populli amerikan meriton përgjigje”, shkroi Shaheen.
