Mbrojtësi i Kosovës, Mërgim Vojvoda, e ka gjetur golin e parë të këtij sezoni me skuadrën italiane Como. Tridhjetë vjeçari ka shënuar golin e tretë në fitoren 3:1 ndaj Hellas Veronas, në kuadër të xhiros së nëntë të Serie A.
Vojvoda është inkuadruar në lojë në minutën e shtatëdhjetë e tetë dhe ka realizuar në minutën e dytë të kohës shtesë, me një goditje të fortë nga brenda zonës.
Në të njëjtën ditë, një tjetër mbrojtës i Kosovës, Florent Hadërgjonaj, ka shënuar gol në fitoren e Alanyasporit 2:1 ndaj Bursa Yildrimsporit, në Kupën e Turqisë. Hadërgjonaj ka shënuar nga penalltia në minutën e njëzet e dytë. Për tridhjetë e një vjeçarin, ky është goli i dytë në tetë ndeshje këtë edicion, krahas dy asistimeve që ka regjistruar deri tani.
Ndërkohë, sulmuesi i Kombëtares, Edon Zhegrova, nuk është aktivizuar në ndeshjen që Juventus e ka fituar ndaj Udinese me rezultatin 3:1 të mërkurën mbrëma në kuadër të Serie A.
