Në fshatin Shpenadi të Prizrenit, të dielën me 2 nëntor 2025, do të mbahet ceremonia e zbulimit të përmendores së Lekë Dukagjinit, një prej figurave më të rëndësishme të historisë shqiptare, të njohur për Kodin e tij kanonik dhe rolin e tij në ruajtjen e identitetit kombëtar.
Përmendorja, do të vendoset përballë sheshit që mban emrin e tij.
Aktuviteti organizohet nga Shoqata “Lekë Dukagjini – Shpenadi”, me pjesëmarrjen e banorëve të zonës, përfaqësuesve të komunitetit dhe mysafirëve të shumtë.
Organizatorët njoftojnë se ky është një hap i rëndësishëm për ruajtjen e trashëgimisë historike dhe kulturore shqiptare.
“Ky është një moment historik dhe një homazh i denjë për figurën e drejtësisë, besës dhe krenarisë kombëtare. Lekë Dukagjini mbetet simbol i ligjit zakonor dhe i traditës shqiptare,” thuhet në njoftimin e shoqatës.
Organizatorët vlerësojnë se ky është një akt i rëndësishëm për promovimin e vlerave historike dhe kulturore shqiptare, duke forcuar ndjenjën e identitetit kombëtar dhe respektit për figurat e kombit.
