Modelja kanadeze Winnie Harlow, e cila vuan nga vitiligo, pozoi me një kostum që i ngjan akullores me rastin e Halloween-it dhe kështu tërhoqi vëmendjen e shumë njerëzve.
Ajo mori pjesë në një festë të Halloween-it të organizuar nga Vas J Morgan dhe Michael Braun. Ajo ka qenë prej kohësh cak i abuzimit në mediat sociale për shkak të vitiligos së saj. Ndër të tjera, asaj iu tha se dukej si akullore napolitane, dhe ajo iu kundërpërgjigj me këtë postim.
Vitiligo është një gjendje afatgjatë në të cilën shfaqen njolla të bardha në lëkurë. Shkaktohet nga mungesa e melaninës. Vitiligo mund të prekë çdo zonë të lëkurës, por më shpesh ndodh në fytyrë, qafë dhe duar.
Foto: Instagram/winnieharlow
“Akullore napolitane. Dallimi yt është forca jote. Ky është shenja jote për ta kthyer gjithçka që njerëzit thonë për ty në një dhuratë”, shkroi ajo në përshkrim.
“E dua këtë”, “Shumë krijuese”, “Je e bukur”, “Përgjigje gjeniale ndaj fyerjeve”, janë disa nga komentet që ajo mori në Instagram.
Më herët gjatë intervistës, Winnie Harlow reflektoi mbi suksesin që ka arritur në industrinë e modës vetëm në pak vite.
“Njerëzit thonë, ‘Ajo u bë modele për shkak të lëkurës së saj’. Në fakt ishte e kundërta. Unë kurrë nuk duhej të isha modele për shkak të lëkurës sime. Në fakt luftova kundër kësaj, por mendova, ‘Duhet të mendosh se lëkura ime është e bukur tani, gjë që askush nuk e mendonte më parë’. E dini, është një shpatë me dy tehe, por ka bukuri në këtë,” tha ajo.
