Një kryetar bashkie në një qytet meksikan të shtunën festoi me njerëzit në një festival, dhe pozoi për foto, pak para se të qëllohej për vdekje. Ndërsa në një incident të ndarë në një tjetër qytet, 32 persona vdiqën nga zjarri.
Carlos Manzo, kryetar i bashkisë së Uruapanit, në Meksikë, po merrte pjesë në festimet për Ditën e të Vdekurve kur u qëllua për vdekje.
Përpjekjet për ta ringjallur kryetarin e bashkisë në vendngjarje dhe në spital ishin të pasuksesshme.
Forcat e sigurisë arrestuan dy të dyshuar, njëri prej të cilëve vdiq gjatë rrugës për në spital, sipas raporteve lokale.
Manzo, një kundërshtar i hapur i karteleve të drogës dhe krimit të organizuar, në qershor i kishte bërë thirrje qeverisë federale për ndihmë dhe kishte lëshuar një thirrje publike grupeve kriminale që të largoheshin nga Uruapani si dhe të ndalonin së dëmtuari njerëzit e pafajshëm.
E shtuna ka qenë e zezë për Meksikën pasi në një zhvillim tjetër, një incident zjarri në një dyqan në qytetin Hermosillo, ka vrarë 23 persona, përfshirë fëmijë
Meksika po feston Ditën e të Vdekurve këtë fundjavë me festime plot ngjyra, në të cilat familjet nderojnë dhe kujtojnë të dashurit e tyre të ndjerë.
Shumica e vdekjeve duket se kanë qenë nga thithja e gazrave toksikë, tha Gustavo Salas, prokurori i përgjithshëm i shtetit, duke cituar shërbimin e tij mjeko-ligjor. Shefi i zjarrfikësve të qytetit tha se ende po hetohet nëse ka pasur ndonjë shpërthim.
