Një aksident trafiku me fatalitet ka ndodhur mbrëmjen e së dielër në Rahovec, ku përfshiheshin një veturë me targa vendore dhe një motoçikletë.
Si pasojë e aksidentit, drejtuesi i motoçikletës, ka pësuar lëndime trupore. Ai ka marrë ndihmën e parë mjekësore në Qendrën Kryesore të Mjekësisë Familjare në Rahovec, por për shkak të lëndimeve të rënda është dërguar në Spitalin Rajonal në Gjakovë, ku më pas ka ndërruar jetë. Vdekjen e viktimës e ka konstatuar mjeku kompetent.
Drejtuesi i veturës, ka pësuar lëndime dhe është dërguar për trajtim mjekësor. Kundër tij, prokurori ka lëshuar vendim për masën e ndalimit 48 orë.
Trupi i pajetë i viktimës është dërguar në Institutin e Mjekësisë Ligjore për obduksion me urdhër të prokurorit.
Policia dhe Prokuroria janë duke hetuar rrethanat e aksidentit.
