Një foshnjë nëntëmujore vdiq të dielën në mbrëmje pasi u sulmua nga një qen në Uells të Mbretërisë së Bashkuar. Policia dhe ambulancat u thirrën në një adresë në Rogiet rreth orës 6 të pasdites, por fëmija për fat të keq nuk reagonte dhe u shpall i vdekur në vendngjarje, raporton Sky News . Policia konfirmoi se qeni i përfshirë në sulm ishte sekuestruar dhe larguar nga prona.
Një hetim është duke u zhvilluar.
Shefi i Policisë së Gwent, John Davies, iu drejtua publikut. “Ne e kuptojmë se do të ketë shqetësime në lidhje me këtë incident, por oficerët janë në vendngjarje dhe do të bëjnë hetime të mëtejshme ndërsa hetimi përparon”, tha ai. “Nëse keni ndonjë shqetësim ose informacion, ju lutemi na kontaktoni.”
