Damjani i Gjakovës ishte sot ndalesa e radhës e drejtuesve të AAK-së. Kryetari i kësaj partie, Ramush Haradinaj, duke kërkuar votën për Ardian Gjinin, kandidat për kryetar komune nga ky subjekt politik, tha se ai është person besnik i punës dhe i fjalëve. E Gjini, u shpreh se përveç atyre që janë realizuar, ka edhe shumë projekte të tjera në të mirë të jetës së banorëve të kësaj ane.
Drejtues të Aleancës për Ardhmërinë e Kosovës, sot patën takim me banorët e fshatit Damjan të Gjakovës. Në kuadër të fushatës elektorale, kryetari i kësaj partie, Ramush Haradinaj, tha se kandidati i tyre për kryetar të Gjakovës, Ardian Gjini, është besnik ndaj qytetarëve dhe premtimeve të dhëna.
“Ardian Gjini është një vlerë e Kosovës por edhe e gjithë kombit. Ky e ka një vizion vërtetë të saktë. Ajo që më ka bërë përshtypje është besnikëria, kujdesi i tij për temat nuk është njeri i vërtetë e besnik i punëve”, tha Haradinaj.
Kandidati i AAK-së për kryetar të Gjakovës, Ardian Gjini, duke falënderuar banorët e Damjanit për mbështetje në raundin e parë me 12 tetor, ftoi ata që të mobilizohen për fitore me 9 nëntor”, tha Haradinaj.
“Me dalë të gjithë me votuar, sepse i kemi disa motive i duam njerëzit e Gjakovës. Gjakova ka me qenë absolutisht komuna numër një, kur i kryejmë kanalizimet në krejt fshatrat”, tha Ardian Gjini kandidat i AAK-së për kryetar të Gjakovës.
Gjin,i i cili garon edhe për një mandat për kryetar të Gjakovës, tha para banorëve të Damjanit se zhvillimi i kësaj komune, nuk do të ndalojë as në katër vitet e ardhshme.
