Omëleta franceze duhet të jetë pak kremoze nga brenda, kështu që kur ta prisni dhe të vini re se veza është ende pak e butë – mos u shqetësoni, kështu duhet të jetë…
Përgatitja e një omlete franceze është një formë arti kulinar dhe çdo detaj është i rëndësishëm – përfshirë edhe tiganin e përdorur. Për shembull, shefi i kuzhinës së famshme Mareo Pierre white ka një vend të veçantë në kuzhinën e tij për një tigan që ai përdor ekskluzivisht për përgatitjen e kësaj pjate. Vetëm shefi i kuzhinës, një shpatull gome dhe përbërësit lejohen ta prekin atë. Çfarë e dallon një omletë të thjeshtë nga kushërira e saj e sofistikuar? Një omletë franceze duhet të mbështillet, pa kore, dhe të ketë aromë gjalpi dhe erëzash.
Jacques Pépin shpesh përdor një përzierje qepësh të njoma, majdanozi, estragoni – dhe shervilit , një barishte klasike franceze e kuzhinës që i ngjan majdanozit, por ndryshon prej tij në atë që gjethet e saj janë pak më të vogla dhe më të zbehta. Shija e saj është më e ëmbël dhe të kujton kopër.
Si të gatuaj një omëletë franceze?
Për katër vezë, shefi i kuzhinës përdor një majë kripe dhe piper, 2 lugë gjelle bimë të freskëta dhe një lugë gjelle e gjysmë gjalpë për një omëletë perfekte. Harrojeni djathin dhe proshutën, ato nuk kanë vend këtu. Sipas recetës së Pépin, duhet t’i thyeni vezët në një tas me erëza – mundësisht në sipërfaqen e punës, jo në buzë të tasit në mënyrë që lëvozhga të mos futet në të verdhën e vezës. Pastaj, shponi të verdhat me një pirun për t’i përzier më mirë vezët dhe i kriposni e piperosni dhe i rrihni fort. Nuk ka nevojë të jeni të butë në këtë hap , dhe vezët janë të përziera mjaftueshëm kur pikojnë nga piruni në një rrjedhë kur e ngrini mbi tas.
Ngrohni një tigan në zjarr mesatar dhe shtoni një copë gjalpë. Gjalpi duhet të shkrihet shpejt, por jo të fishkëllojë në tigan. Pastaj hidhni vezët në tigan me një lëvizje dhe përziejini duke e tundur tiganin me forcë. Është e rëndësishme të përzieni vezët nga skajet drejt qendrës për të shmangur formimin e një cipe në skaje. Pas pak çastesh, vezët do të jenë më të forta, por prapë pak të lëngshme.
Pastaj rrotullojeni omëletën në tigan – si të rrotullosh një qilim, në formën e një gjysmëhëne, thotë shefi i kuzhinës. Nëse vezët ngjiten, ruajeni ditën me pak gjalpë. Shtypeni omëletën (mund ta trokitni disa herë tiganin në sipërfaqen e punës që të bjerë) dhe pastaj hiqeni nga tigani në një pjatë. Ndihuni të lirë ta shtypni lehtë për t’i dhënë një formë më të bukur. Omëleta franceze duhet të jetë pak kremoze nga brenda, kështu që kur ta prisni dhe të vini re se veza është ende pak e butë – mos u shqetësoni, kështu duhet të jetë. Mund ta shikoni edhe teknikën e përgatitjes në video.
