Vlora Çitaku, sekretare e Përgjithshme e Partisë Demokratike të Kosovës (PDK), ka reaguar pas njoftimit se Qeveria në detyrë ka filluar ekzekutimin e pagesave prej 100 eurosh për studentët.
Çitaku tha se kjo është abuzim me taksat e qytetarëve për nevoja elektorale.
“Vetëm tre ditë para zgjedhjeve, me paratë e qytetarëve të varfëruar, të cilëve ua ka shtrenjtëuar rrymën për t’i shërbyer mafias energjetike, ai shpërndan nga 100 euro për studentët”, ka shkruar ajo.
“Ky nuk është as kujdes social, as mbështetje për rininë. Është mashtrim. Është manipulim. Është papërgjegjësi. Dhe mbi të gjitha, është panik”, ka theksuar Çitaku.
