Watson identifikoi strukturën e spirales së dyfishtë të ADN-së me shkencëtarin britanik Francis Crick në vitin 1953, duke hedhur themelet për përparim të shpejtë në biologjinë molekulare. Watson, Crick dhe Maurice Wilkins u vlerësuan me Çmimin Nobel në vitin 1962 për këtë zbulim.
“Ne kemi zbuluar sekretin e jetës”, thanë ata në atë kohë.
Por reputacioni i Watson është dëmtuar nga deklaratat rreth racës dhe gjinisë. Kështu, në një paraqitje televizive, ai deklaroi se gjenet shkaktojnë ndryshimin në IQ mesatare të zezakëve dhe të bardhëve. Më vonë ai pohoi se ndihej i përjashtuar nga komuniteti shkencor për këto komente.
Ai e shiti medaljen e tij të artë të Çmimit Nobel në ankand në vitin 2014 për 4.8 milionë dollarë, duke përmendur ndjenjat e izolimit si arsyen pse vendosi ta shiste atë. Një miliarder rus i paidentifikuar bleu medaljen, por ia ktheu Watson-it.
Që ADN-ja ekziston u vërtetua në vitin 1869, por në vitin 1943 u vërtetua se ADN-ja përbën materialin gjenetik në qeliza. Struktura e ADN-së mbeti e panjohur deri në gjysmën e dytë të shekullit të 20-të, shkruan BBC.
