Kryetari i Aleancës për Ardhmërinë e Kosovës, Ramush Haradinaj, ka uruar qytetarët e vendit për zgjedhje të mira dhe të lira që janë mbajtur sot. Ai ka falënderuar të gjitha institucionet për punën e bërë gjatë procesit zgjedhor.
Haradinaj ka përgëzuar qytetarët e Suharekës për fitoren e Bali Muharremajt, të Rahovecit për vazhdimin e besimit ndaj Smajl Latifit, në Gjakovë për fitoren bindëse të Ardian Gjinit, si dhe në Klinë për fitoren e Zenun Elezajt.
“Aleanca i ka fituar të gjitha komunat që ka qeverisur me to, është një rezultat i mirë dhe një ndjenjë përgjegjësie. I lus kryetarët që të punojnë ta shpërblejnë besimin me punën më të mirë të mundshme”, ka deklaruar Haradinaj.
Ai ka theksuar se është konfirmuar një besim i rritur për Aleancën në nivel nacional.
