Biznesmeni 35-vjeçar i kriptovalutave Alexey Dolgikh humbi jetën në një aksident trafiku natën në Autostradën Ndërkombëtare në Moskë, raporton TASS duke cituar burime policore.
Sipas informacioneve, një makinë Lamborghini është përplasur me një shtyllë në veri të kryeqytetit dhe më pas është përfshirë nga flakët. Aksidenti ndodhi në orën 1:23 të mëngjesit në dalje nga Autostrada Ndërkombëtare për në Leningradskoye, tha Inspektorati Shtetëror i Trafikut.
Shoferi i Lamborghinit, Alexey Dolgikh, humbi kontrollin e automjetit, duke bërë që ai të përmbyset dhe të marrë flakë. Aksidenti vrau dy persona, shoferin dhe një pasagjer, ndërsa dy pasagjerë të tjerë u plagosën dhe u dërguan në spital.
