Në Itali është hapur një hetim kundër “snajperëve të fundjavës” të cilët, gjatë agresionit kundër Bosnjës dhe Hercegovinës, i paguan pushtuesit e Sarajevës për të qëlluar banorët e qytetit të rrethuar.“Ata po largoheshin nga Italia, duke u paguar shuma ‘të konsiderueshme’ ushtarëve serbë për të marrë pjesë në rrethimin e Sarajevës dhe për të qëlluar ‘për qejf’” ndaj banorëve të kryeqytetit boshnjak gjatë konfliktit, deklaroi agjencia italiane Ansa.
Një hetim është duke u zhvilluar në Milano për të identifikuar këta “turistë lufte” që morën pjesë në masakrën e mbi 11,000 njerëzve midis viteve 1993 dhe 1995, sipas Il Giorna dhe La Repubblica.
Hetimi, për të cilin raportoi “Il Giornale” në fillim të kësaj vere, u hap nga prokurori Alessandro Gobbis me akuzat për vrasje të qëllimshme të rënduar nga mizoria dhe me motive të liga.
Akuzat aktualisht janë kundër personave të panjohur dhe rrjedhin nga një padi e ngritur nga gazetari dhe shkrimtari Ezio Gavazzeni, me ndihmën e dy avokatëve dhe ish-gjyqtarit Guido Salvini.Rrethimi katërvjeçar i Sarajevës solli një brutalitet të paparë. Një nga historitë është për të huaj të pasur të cilët, gjatë rrethimit të kryeqytetit të BiH, paguan shuma të mëdha parash për të vrarë civilë në Sarajevë nga pozicionet e snajperëve serbë.Një film i quajtur “Sarajevo Safari” u realizua rreth këtyre “tureve monstruoze të fundjavës”.
