jykata kompetente në Francë ka vendosur ta lirojë nga burgu Nicolas Sarkozy- n deri në shqyrtimin e ankesës së tij, duke theksuar se ai do të jetë nën mbikëqyrje.
Përveç kësaj, siç raporton Reuters, atij i ndalohet të ketë çdo kontakt me ndonjë zyrtar të Ministrisë Franceze të Drejtësisë.
Ish-presidenti francez qëndroi në burg për rreth tre javë. Ai u dënua me pesë vjet burg për komplot dhe përpjekje nga bashkëpunëtorët e tij të ngushtë për të siguruar fonde nga udhëheqësi i ndjerë libian Muamar Gadafi për fushatën e tij presidenciale të vitit 2007.
Ai u lirua nga të gjitha akuzat e tjera, përfshirë korrupsionin dhe marrjen e fondeve të paligjshme për fushatën e tij zgjedhore.
Më parë, prokurori ishte shprehur gjithashtu në favor të lirimit të tij, me kusht që ai të ishte nën mbikëqyrje.
