Një shtetas austriak me origjinë nga Serbia është i dyshuari kryesor për të shtënat në një restorant turk në Vjenë që ndodhën të enjten në mbrëmje, rreth orës 21:45. Përballja midis dy grupeve të burrave u përshkallëzua kur i dyshuari kryesor nxori një armë dhe qëlloi disa herë. Në të shtënat, çeçeni Verhab B. (33) u vra, ndërsa një burrë (55) u plagos në stomak dhe aktualisht ndodhet në spital jashtë rrezikut.
Konkretisht, konflikti shpërtheu midis të paktën dhjetë burrave dhe dyshohet se motivi është një borxh monetar. Viktimat e sulmuara u përleshën me një grup prej të paktën tre shtetasish turq dhe truprojën e tyre nga Çeçenia në restorant.
Dy burra u arrestuan
Të premten, dy burra u dorëzuan në polici.
I pari është një burrë 38-vjeçar që erdhi në stacion i shoqëruar nga një avokat. Ai pranoi se ishte i pranishëm gjatë konfliktit dhe se kishte me vete një armë të paligjshme, por, siç pretendon ai, nuk qëlloi.
Pas të shtënave, tha ai, ai iku nga vendi i ngjarjes dhe më vonë vazhdoi arratisjen e tij me dy të dyshuar të tjerë.
Avokati i tij tha se klienti e telefonoi rreth mesnatës dhe se, me këshillën dhe në praninë e tij ai u dorëzua në polici. Në orën 4:20 të mëngjesit, u urdhërua arrestimi i tij sepse kishte me vete një armë të paligjshme.
Siç pretendon avokati, ai “hyri në automjetin e arratisjes në rrëmujën e përgjithshme pas të shtënave”.
Policia ia konfiskoi armën meqenëse ndaj tij ishte një masë që ndalonte mbajtjen e armëve të zjarrit.
Ai besohet të jetë truproja e të dyshuarit kryesor.
Të dy u mbajtën në paraburgim.
Motivi i zbuluar?
Sipas mediave austriake, dyshohet se të shtënave i ka paraprirë një debat për një borxh prej 50,000 eurosh.
Me sa duket, i dyshuari kryesor mbajti gjysmën e parave për vete.
Qëlloi një truproje në zemër.
Disa media austriake raportuan se i plagosuri (55) është shtetas i Serbisë.
I dyshuari kryesor është në arrati.
Deri më tani, është vërtetuar se i dyshuari kryesor nxori një armë rreth orës 21:45 dhe qëlloi disa herë kundërshtarët. Pas kësaj, dy biznesmenët, të cilët merren me ushqim dhe transport, të cilët erdhën në lokal me taksi, ikën me një makinë private BMW X5.
Gjatë rrugës, ata morën edhe një truproje i cili iku nga vendi i ngjarjes në këmbë dhe i cili pretendon të jetë vetëm një dëshmitar i ngjarjes.
Policia po vazhdon kërkimet intensive për të dyshuarin dhe po heton të gjitha rrethanat që çuan në të shtënat.
Sipas informacioneve të deritanishme, të gjithë pjesëmarrësit në të shtëna janë të lidhur me bizneset e hotelerisë dhe transportit në Vjenë.
