Senatori demokrat Bernie Sanders foli pasi tetë senatorë demokratë votuan së bashku me republikanët në favor të një plani që do të hapte rrugën për zhbllokimin e qeverisë amerikane.Ndër të tjera, Sanders tha në një video pas votimit se demokratët bënë një veprim shumë të keq duke votuar me senatorët republikanë.”Kjo rrit çmimet e shërbimeve shëndetësore për më shumë se 20 milionë amerikanë. Në disa raste, ato do të jenë tre herë më të larta. Përveç kësaj, me këtë votim, 15 milionë njerëz do të ‘hiqen’ nga programi Medicaid”, theksoi Sanders.
Sanders thekson se si pasojë e kësaj, 50,000 amerikanë do të vdesin “pa nevojë” çdo vit.
“E gjithë kjo u bë pas zgjedhjeve ku qytetarët dërguan një mesazh se donin që ne të ngriheshim kundër Trumpizmit, luftës së tij kundër klasës punëtore. Kjo është ajo që duan amerikanët, por kjo nuk ndodhi sonte. Nuk ishte një natë e mirë”, përfundoi Bernie Sanders.
