Instituti Kombëtar i Shëndetësisë Publike të Kosovës (IKSHPK) është ndriçuar sonte me ngjyrë të kaltër, në shenjë solidariteti dhe ndërgjegjësimi për Ditën Botërore të Diabetit, që shënohet më 14 nëntor.
“Ngjyra e kaltër është simboli ndërkombëtar i ndërgjegjësimit për diabetin, duke përfaqësuar bashkimin global për përballimin e kësaj sëmundjeje që prek miliona njerëz në mbarë botën”, thuhet në njoftimin e institutit.
Ky simbol u miratua nga Federata Ndërkombëtare e Diabetit (IDF) dhe Organizata Botërore e Shëndetësisë (OBSH) në vitin 2007, si shenjë e unitetit dhe shpresës për një botë më të shëndetshme.
