Rreth 50 profesionistë nga Policia e Kosovës, përfshirë personelin shëndetësor brenda PK-së, Inspektoratin e Policisë së Kosovës (IPK) dhe Shërbimin Korrektues të Kosovës, morën pjesë në një punëtori tre-ditore për forcimin e mbrojtjeve kundër keqtrajtimit në paraburgim.
Në këtë aktivitet u përfshinë gjithashtu përfaqësues nga Departamenti i Shëndetit të Burgjeve (DSHB), Instituti i Psikiatrisë Ligjore të Kosovës (IFPK), Inspektorati i Burgjeve, Mekanizmi Parandalues Kombëtar (MPK) dhe shoqëria civile, me qëllim forcimin e mbrojtjeve kundër keqtrajtimit në paraburgimin policor.
“Përmes ushtrimeve të bazuara në skenarë dhe trajnimit praktik, pjesëmarrësit mprehën aftësinë e tyre për të zbuluar shenjat e hershme të vetëlëndimit ose rrezikut për vetëvrasje, dokumentuar dhe raportuar incidentet duke përdorur mjete të standardizuara, forcuar bashkëpunimin ndërinstitucional midis të gjitha strukturave të përfshira”, thuhet në njoftim
Tutje theksohet se kësaj iniciative, zyrtarët e vijës së parë janë më të pajisur për të mbrojtur më të prekshmit në paraburgim, duke siguruar që siguria, dinjiteti dhe të drejtat e njeriut të mbeten në zemër të praktikave të paraburgimit.
