Ish-presidentja e Kosovës, Atifete Jahjaga, ka përkrahur Kombëtaren e Kosovës para dy ndeshjeve vendimtare të këtij muaji në kuadër të kualifikimeve për Botërorin 2026, që do të mbahet në SHBA, Meksikë dhe Kanada.
Jahjaga është takuar me futbollistin e Kosovës, Milot Rashica, me të cilin kanë folur për ndeshjet e ardhshme të “Dardanëve”.
“Sot u takova me njërin prej djemve tanë të artë, Milot Rashicën. U pajtuam për një gjë: Kosova s’ka nevojë për stres të tepërt, vetëm për gola në ndeshjet e radhës e deri te kualifikimi për Botëror. Gjithmonë krenare me djemtë tanë dhe kombëtaren tonë”, ka shkruar Jahjaga.
Kombëtarja e Kosovës fillimisht do të përballet me Slloveninë në Lubjanë, ndërsa më pas do ta presë Zvicrën në stadiumin “Fadil Vokrri” në Prishtinë.
