Kryetari i Kuvendit, Dimal Basha bashkë me kryeministrin në detyrë, Albin Kurti kanë marrë pjesë në pritjen e organizuar nga Ambasada e Belgjikës me rastin e Ditës së Mbretit.
“Miqësia ndërmjet Kosovës dhe Belgjikës është e sinqertë dhe e ndërtuar mbi vlera të përbashkëta për të ardhmen evropiane”, ka shkruar .
Basha ka thënë se populli i Kosovës nuk e harron mbështetjen e madhe të Belgjikës gjatë viteve të vështira ’80 dhe ’90, miqësi kjo, që thotë se forcua me kalimin e kohës.
“Njëkohësisht, si shoqëri e si shtet jemi tejet mirënjohës për përkrahjen e vazhdueshme të Belgjikës në rrugën tonë evropiane”, ka shkruar kryekuvendari.
Në emër të Kuvendit u ka shprehur urime popullit dhe institucioneve belge, si dhe Mbretit Philippe, në këtë ditë të rëndësishme të tyre kombëtare.
