Prokuroria Themelore në Mitrovicë njofton se pas një pune operative është arrestuar një person me iniciale D.B., i cili prej muajsh ishte në kërkim, me dyshimin për kryerjen e veprave penale “Vrasja e rëndë në tentativë” dhe “Mbajtja në pronësi, kontroll ose posedim të paautorizuar të armëve”.

I njëjti dyshohet se ka tentuar të privojë nga jeta të birin e tij.

Me vendim të prokurorit, i dyshuari gjendet në mbajtje për 48 orë.

“Brenda afatit të paraparë ligjor Prokuroria Themelore në Mitrovicë do të paraqes pranë gjykatës kompetente kërkesë për masën e sigurisë për të pandehurin”, theksohet në njoftim.