Departamenti Amerikan i Drejtësisë ka konfirmuar se do të hetojë lidhjet e dyshuara të pedofilit Jeffrey Epstein me banka të mëdha dhe disa demokratë të shquar, përfshirë ish-Presidentin Bill Clinton.
Presidenti i SHBA-së, Donald Trump, tha se do t’i kërkonte Prokurores së Përgjithshme Pam Bondi dhe FBI-së të hetonin “përfshirjen dhe marrëdhënien” e Epstein me Clinton dhe të tjerë.
Kërkesa e Trump erdhi disa ditë pasi Kongresi Amerikan publikoi mijëra email-e të Epstein që përfshijnë përmendje të presidentit amerikan.
Demokratët e kanë akuzuar Trumpin se po përpiqet të shmangë pyetjet në lidhje me marrëdhënien e tij me Epsteinin.
Emailet, të publikuara nga Komiteti Mbikëqyrës i Dhomës së Përfaqësuesve të SHBA-së, përfshijnë shumë figura të profilit të lartë. Një shqyrtim i Wall Street Journal zbuloi se Trump u përmend në më shumë se 1,600 emaile.
Përveç Clinton, Trump tha se i ka kërkuar Departamentit të Drejtësisë të hetojë bankat JP Morgan dhe Chase, ish-Sekretarin e Thesarit Larry Summers dhe themeluesin e LinkedIn Reid Hoffman, i cili është gjithashtu një donator i shquar demokrat.
“Epstein ishte demokrat dhe ai është një problem i demokratëve, jo një problem i republikanëve. Të gjithë e dinë për të, mos e humbni kohën me Trumpin. Unë duhet ta drejtoj vendin”, shkroi ai në rrjetet sociale.
Klinton mohoi të kishte ndonjë dijeni për krimet e Epstein.
