Një person ka mbetur i plagosur sot rreth orës 14:30 në fshatin Sharban të Prishtinës, pas një incidenti me armë zjarri.
Lajmin për RTKlive e ka konfirmuar zëdhënësi i Policisë për Kryeqytetin, Enis Pllana, i cili theksoi se i plagosuri është dërguar për trajtim mjekësor.
“Sot rreth orës 14:30, Policia ka pranuar informatën për plagosje me armë zjarri në fshatin Sharban në Prishtinë. Menjëherë në vendin e ngjarjes kanë dalë njësitet policore. Bazuar në të dhënat fillestare në këtë vend është plagosur një person. I njëjti është dërguar për trajtim mjekësor”, tha Pllana
