Deputeti i Partisë Demokratike të Kosovës, Enver Hoxhaj, i cili kishte shprehur interes për të qenë pjesë e garës për kryetarin e partisë, ka deklaruar se konventa e PDK-së do të mund të ishte një ngjarje më demokratike nëse do të shtyhej për një javë.
“Kam pas dëshirë që kjo konventë, meqë nuk mund të jetë historike meqë nuk i kem liderët e mëdhenj, do të mund të ishte një ngjarje demokratike, dhe ka mund të bëhet një ngjarje demokratike nese do të shtyhej për një javë sikurse unë kam kërkuar”, tha Hoxhaj.
Ai shtoi se mes kohës dhe kualitetit duhet zgjedhur kualitetin. “Kualiteti i garës do të bëhej nese është proces i hapur, nese është proces demokratik.”
“Nuk po e thëm me inati. Kam menduar që është shumë e rëndësishme që me të gjithë juve në sallë të bisedojmë për platformën, ekipin, me gjithë juve në sallë ta kemi një ballafaqim idesh brenda një jave dhe pastaj ta mbajmë konventën”, u shpreh ai.
Tutje Hoxhaj tha nuk do të marrë pjesë në garën për kryetar të partisë, duke theksuar mungesën e kushteve të barabarta. Ai kritikoi Memli Krasniqin duke thënë që e ka mbyllur garën, kur ka shpalosur preferencën e tij për Bedri Hamzën.
“Unë e falënderon Memli Krasniqin për udhëheqjen, por mendoj se në mënyrë që janë shpallë zgjedhjet për pesë ditë, në mënyrë që qysh e ka tregu preferencën e tij, në mënyrën se si i ka ftuar disa prej kryetarëve të degëve, mendoj që e ka bërë garën të mbyllur dhe nuk është demokratike”, tha Hoxhaj.
