Me erëzat që zakonisht kemi në dollapët tanë – piper të kuq, kanellë, karafil, kardamom, arrëmyshk, koriandër dhe të tjera – ne bëjmë përzierjet tona për rosto dhe gjellë, nga erëzat e Korfuzit deri te garam masala indiane.
Me një lugë çaji erëza, shumë gjëra mund të ndryshojnë edhe pjatën më të thjeshtë. Një tenxhere me thjerrëza, për shembull, bëhet greke me një gjethe dafine, franceze me pak estragon, indiane me kerri dhe e Lindjes së Mesme me tahini. Përveç hudhrës dhe qepëve që nuk duhet të mungojnë kurrë në kuzhinën tonë, disa kavanoza me erëza në dollapin tonë patjetër, dhe lehtësisht, do të bëjnë diferencën. Madje mund të bëjmë edhe përzierjet tona të erëzave, në sasi të mëdha, në mënyrë që t’i përdorim në çdo kohë. Ja katër ide, secila me një rezultat të ndryshëm:
- Spetseriko : Bluani së bashku: 1 lugë gjelle piper i kuq i ëmbël, 1 lugë gjelle kanellë, 1/2 lugë gjelle karafil, 1/2 lugë gjelle arrëmyshk, 1/2 lugë gjelle piper i zi, 1 lugë çaji anason yll, 1 lugë çaji piper i kuq djegës, 4 gjethe dafine, 1 lugë çaji rigon i tharë, 1 lugë çaji kripë e imët.
- Përzierje për pjekje: 1 lugë çaji fara sinapi, 1 lugë çaji rigon i tharë, 1 lugë çaji rozmarinë e tharë e shtypur, 1 lugë çaji piper i kuq i ëmbël ose i tymosur, 1 lugë çaji thekon supe, 1 lugë çaji qimnon i shtypur.
- Cajun: 1 lugë çaji pluhur qimnoni, 1/2 lugë çaji fara kardamoni, të shtypura mirë, 1 lugë çaji koriandër i tharë, i shtypur mirë, 1 lugë çaji rigon i tharë i grirë, 1/2 lugë çaji trumzë e tharë e grirë, 2 lugë çaji kripë, 1 lugë çaji piper i sapobluar, 1 lugë çaji paprika pikante, pluhur, 1/2 lugë çaji shafran i Indisë. Të bluara të gjitha së bashku në një havan ose të bluara në një blender.
- Garam masala : 2 lugë çaji koriandër, 1 lugë çaji piper i zi, 2 lugë çaji kardamom, 1/2 lugë çaji karafil, 1/2 lugë çaji kanellë, 2 lugë çaji qimnon, të gjitha pluhur. Idealisht, piqni erëzat të plota dhe pastaj bluajini në një havan.
