Kryetari i ri i Partisë Demokratike të Kosovës, Bedri Hamza, ka filluar angazhimin e tij politik me një takim me ambasadoren e SHBA-së në Kosovë, Anu Prattipati, duke theksuar se Amerika mbetet aleati kryesor strategjik i vendit.
Në një postin në “Facebook”, Hamza ka deklaruar se PDK-ja do të vazhdojë qasjen konstruktive përmes dialogut, bashkëpunimit dhe kompromisit politik.
Ai ka sqaruar se vijat e kuqe të partisë mbeten Kushtetuta dhe ligjet e Kosovës, duke theksuar se çdo veprim që i cenon ato është i papranueshëm. Për këtë arsye, Hamza njoftoi se PDK-ja nuk mori pjesë në seancën e parë të Kuvendit.
Sipas tij, zgjedhjet e reja janë rruga për të dalë nga kriza politike. Hamza ka vlerësuar lart mbështetjen e SHBA-së në proceset që po kalon vendi, duke theksuar se Kosovës i nevojiten stabiliteti, zhvillimi ekonomik dhe aleatët e saj strategjikë.
