Ramush Haradinaj, kryetar i AAK-së, pak para seancës së Kuvendit të Kosovës, e dyta për sot, tha se nga sot koha do të fillojë të numërohet ndryshe.
“Po i vjen fundi kësaj. Kemi humbur shumë muaj, shumë javë, shumë ditë, të vlefshme për Kosovën, por edhe shumë mundësi dhe sot, besoj se është dita e kthesës. Pra nga sot koha fillon të numërojë ndryshe”, tha Haradinaj.
Ai shtoi se nuk do të humbim kohë për zgjedhjet e ardhshme.
Haradinaj, më tej, tha se si Aleancë ka qenë në kërkim të zgjidhjes së situatës, por sipas tij, ka qenë e pamundur të gjendet pa ata që kishin fituar shumicën e votave.
