Sekretari britanik i Mbrojtjes, John Healy, i lëshoi një paralajmërim të ashpër presidentit rus Vladimir Putin sot, pasi një anije ruse spiune, Yantar, u pa pranë ujërave britanike për herë të dytë këtë vit.
“Mesazhi im për Rusinë dhe Putinin është ky: Ju shohim. E dimë çfarë po bëni. Dhe nëse Yantar shkon drejt jugut këtë javë, ne jemi gati”, tha Healy gjatë një konference për shtyp.
“Nëse “Yantar” ndryshon kurs, ne kemi gati opsionet ushtarake “, theksoi ai.
Healy sqaroi se anija ruse tani është në buzë të ujërave britanike , në veri të Skocisë, dhe përdori lazerë kundër avionëve të Forcave Ajrore Mbretërore Britanike që po monitoronin aktivitetet e saj.
Ministri britanik e përshkroi këtë veprim si “veçanërisht të rrezikshëm”, duke denoncuar se “kjo është hera e parë që “Yantar” ka ndërmarrë një veprim të tillë kundër RAF Britanike”.
“Kam modifikuar rregullat e angazhimit të Marinës në mënyrë që të mund të ndjekim, të monitorojmë më nga afër aktivitetet e Yantar kur është në ujërat tona”, vuri në dukje ai.
Përveç kësaj, siç theksoi Healy, “kjo është hera e dytë që anija ka hyrë në ujërat britanike”.
“Është pjesë e një flote ruse që është krijuar për të rrezikuar infrastrukturën tonë nënujore, si dhe atë të aleatëve tanë”, shtoi ai. Është “një program rus (…) që synon zhvillimin e aftësive që do të lejojnë mbikëqyrjen në kohë paqeje dhe sabotimin në kohë lufte”, shpjegoi ai.
Më 22 janar, Healy e kishte paralajmëruar përsëri Putinin pasi Marina Britanike kishte vënë re këtë “anije ruse spiune” në Kanalin Anglez dhe më pas në Detin e Veriut.
