Një aksident i rëndë ka ndodhur pasditen e kësaj të premteje në Rrugën e Kombit, në fshatin Qafë Mollë, Mirditë. Tre automjete, dy kamionë dhe një autoveturë janë përplasur dhe si pasojë ka humbur jetën drejtuesi i autoveturës, shtetasi E. B., rreth 24 vjeç.
Ndërsa drejtuesi i njërit prej kamionëve, V. G., është shoqëruar në Komisariat për veprime të mëtejshme procedurale.
Grupi hetimor ndodhet në vendngjarje dhe po kryen veprimet për sqarimin e plotë të rrethanave të aksidentit, ndërsa qarkullimi në këtë segment është i kufizuar përkohësisht.
