Gazetari dhe shkrimtari i njohur Aleksandër Çipa është nderuar me çmimin prestigjioz ndërkombëtar “Oscar Wilde”, një vlerësim me peshë që i është dorëzuar në Itali. Ky çmim, i cili njihen për vlerësimin e figurave që kontribuojnë në letërsi, kulturë dhe mendim bashkëkohor, përbën një arritje të rëndësishme jo vetëm për Çipën, por edhe për eseistikën shqiptare.
Në një reagim në rrjetet sociale, Çipa e quajti këtë çmim “një nderim të posaçëm”, duke theksuar rëndësinë e mendimit të thellë dhe të dëgjuarit në kohën e sotme, kur shoqëritë po përballen me krizë reflektimi. Ai shprehu mirënjohjen për presidentin e çmimit dhe organizatorët e edicionit, duke theksuar se ngjarje të tilla ndërkombëtare rikujtojnë nevojën për më shumë ide, më shumë reflektim dhe më shumë vlera shpirtërore në botën moderne.
Në përfundim, Çipa nënvizoi një mesazh të thjeshtë, por thelbësor:
“Rroftë letërsia!”
