Chelsea ka marrë një fitore të rëndësishme në udhëtim, duke mposhtur Burnleyn 2–0 në “Turf Moor”, rezultat që e çon skuadrën e Enzo Marescës në pozitën e dytë në Premier League.
Burnley nisi më mirë ndeshjen dhe pati disa raste të hershme, por Chelsea iu rezistoi presionit fillestar.
Goli i parë erdhi pak para pushimit, kur Gittens asistoi me një krosim të saktë për Pedro Neton, i cili shënoi me kokë.
Në pjesën e dytë, londinezët kontrolluan lojën dhe pas disa tentimeve, arritën të dyfishojnë epërsinë me Enzo Fernández, i cili shënoi në portë të zbrazët pas një depërtimi të fuqishëm të Marc Guiu.
Burnley mbetet në zonën e rrezikut, ndërsa Chelsea e sheh këtë fitore si përgatitje ideale për ndeshjet e radhës kundër Barcelonës dhe Arsenalit.
